منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 قصيدة احاول للشاعر كاظم اسماعيل الكاطع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: قصيدة احاول للشاعر كاظم اسماعيل الكاطع   الأحد أغسطس 12, 2007 1:07 am

أحــــــاول...

أحاول
وبمحاولتي
نهايه الـــ قصتج وقصتي
تسأليني على جروحي ...؟
وسبب كل الجروح انتي

*

احاول للسؤال الكًــــــــــه
جواب بدفتر الفركَــــــــه
تعدت ساعة الملكَـــــــــــه
بعد شيفيد عاودتي ...؟

*

احاول اكتم اسراري
وضم اوراقج بناري
وإذا صح للعشك شاري ...؟
أبيع شلون ما بعتي

*

أحاول اجمع اوراقي
واعيش بعمري الباقي
نديمي السهر ...
والساقي
كلام احجيته بصمتي

*

صحيح آني انتهيت وياج
لكن ... منتهت قصتي
اسأل والسؤال انتي
وجاوب والجواب انتي



ايضا ....
حالات ...

ولا جنك يكَلبي بكَلبك النار
ولا جنك ثلج من عاشرت نار
خلص عمر المواسم والنياسين
وظل بس
الغنه الصامت ... والاسرار
نام
وصبح الناعور مشلول
لا ... ماي النهر يصعد للشفاف
ولا بيه حيل يكَدر حيل يندار
جان الفرح عدنا طير محبوس
ولكَـــــــه فرصه وتعلكَ بالسما .... وطار
ولا جنك يكَلبي فوك الارماح
معلكَ... خلصت عمرك بالاسفار
ومادامك يكَلبي فوك الارماح
ولا عندك حبيبه
ولا الك دار
شيفيدك لو تجر كل المواويل
شيفيدك لو تردد كل الاشعار
شيفيد ...!!
تمر نهر بولايه مهجوره
شيفيد ... !!
تمر محابس بيد مبتوره
شيفيدك ....؟؟
يا .... يول
يا كافي ... يا كَلبي
تظل مثل الارض يوميه إلك ...دوره
وشمتانيه الروح ...؟
وبعدها متانيه ...؟
واسنين تكَضي من العمر
كل ... ثانيه
واحلام ياخذها الدمع كل مشوار
وبيوت ياخذها المطر كل مشوار
وانت ...؟ !
انت يكَلبي تعيش للحين
ولا جنك ثلج ومعاشر النار
آنا وياك خلينا غريبين
سولتنا الجكاير... والصبر زين
وبليل الشته يصير الحزن ...حار
دافي ياحزن
للفاركَ اثنين
صاحبته وشبابه انكتلوا ازغار
آنا وياك خلينا غريبين
نحلم بالحبيبه ... وعتبة الدار
وإذا شفتك يكَلبي ... بيوم فرحان
هذا اول عتاب
وآخر
إنذار

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاوسي
متذوق
avatar

عدد الرسائل : 90
الشاعر محمد العيساوي : 0
تاريخ التسجيل : 02/11/2007

مُساهمةموضوع: رد: قصيدة احاول للشاعر كاظم اسماعيل الكاطع   السبت نوفمبر 03, 2007 12:27 am

والله مبدع وتسلم ومشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد سالم
عضو
عضو


عدد الرسائل : 85
الشاعر محمد العيساوي : ارجو قبول عضويتي في المنتدى
تاريخ التسجيل : 05/02/2012

مُساهمةموضوع: رد: قصيدة احاول للشاعر كاظم اسماعيل الكاطع   الثلاثاء فبراير 14, 2012 10:10 pm

استمعت بقراءتها
دام نبض قلمك لنا

تحياتي
د. السيد عبد الله سالم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة احاول للشاعر كاظم اسماعيل الكاطع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: قصائد الرواد-
انتقل الى: