منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 طيف من المقابر الجماعية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: طيف من المقابر الجماعية   الخميس يونيو 21, 2007 2:23 am

جم طفل ضل ينتظر جيت ابوه يعود

وجم ام تعد بصبر تعد وبنفسهه تجود

وجم حرمه الترملة بذيج الليالي السود

وجم اخ يتاني يرد جيت اخو مفكود

وتنطرينه شكثر شبان عدنه ورود

فرهدهه حزب البعث يالتحجي عالفرهود

ومن طاح ذاك الصنم كلنه الأمل موجود

أخوتنه باجر ترد باجر ترد اردود

ولن صوت يصرخ غضب يامن تدور عود

اخوتكم بلا رحم صارو طعم للدود

لا تعتب اعله المضه باب العتب مسدود

لأركاب كل الخلك جان الحبل ممدود

****** ****** ********

بعيوني شفته أمس وكحل بجيته العين

وشميت بيه الوفه وطيبت هلي الطيبين

ها خويه كتله هله شهل الغيبه صار سنين

اشلون ليلك كضه وخلصت عمرك وين

تبسم اخوي وبجه وصب دمعه عالخدين

كال آنه طيف وجذب بعينك امر الحين

حي ودفني البعث بالواحد وتسعين

يا طيف كتله انتظر وخليني اسمعك زين

ورايد اعرف السبب كال الاسباب اثنين

واحد احب الوطن والثاني احب حسين

يا طيف وبيا كتر دليني مدفونين

جر حسره من الكلب ودك راسه بالجفين

كال العراق انترس من العراقيين

الي انعدم والي اندفن والاف متشردين

كلهه اعله حب الوطن لهل الوطن متطوعين

غالي علينه الوطن بي سته معصومين

بدمنه اشترينه الوطن وبدمنه متوسمين

تروح الرجال وتجي ويالحك عليهه البين

بس دين عدنه وزلم ردنه التوفي الدين

هالكاع كاع الشرف متريد بعثيين

هالكاع كاع الصدر كاع اليوالي حسين

يا طيف وين البقو ذيج الزلم عدلين

ذيج الشباب المشت يا طيف راحو وين

مارد عليه وسكت وما حرك الشفتين

بعيوني مات الحلم ذكرته بالميتين


محمد العيساوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاوسي
متذوق
avatar

عدد الرسائل : 90
الشاعر محمد العيساوي : 0
تاريخ التسجيل : 02/11/2007

مُساهمةموضوع: رد: طيف من المقابر الجماعية   السبت نوفمبر 03, 2007 2:56 am

مشضكور على الابداعات الشعرية اخي محمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد سالم
عضو
عضو


عدد الرسائل : 85
الشاعر محمد العيساوي : ارجو قبول عضويتي في المنتدى
تاريخ التسجيل : 05/02/2012

مُساهمةموضوع: رد: طيف من المقابر الجماعية   الثلاثاء فبراير 14, 2012 10:03 pm

صح لسانك
لايستغرب منك ماهو رائع وفريد
سلمت يمينك من كل سوء
وبنتظار جديد طرحك
د. السيد عبد الله سالم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طيف من المقابر الجماعية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصيدة الوطنية-
انتقل الى: