منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 قصيدة (كعدة) عن حال السبايا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: قصيدة (كعدة) عن حال السبايا   الخميس يونيو 21, 2007 2:03 am

مسبية مشيت وراسك وياي


ينظر للعيال تشوفه عيناي


توصيني بالعيال يا خويه شبديه


أعتله اعله الرمح راسك ينظـــــــر الحال السبايه


حكمه لله ويانه يمشــــي الراس والمگصـــد حمايه


لأن راسك بيه غيـــــــره علينه ظلت بيه دايــــــــــه


يباري العيال اعله رمحه ويتلــــي آيه بأثر آيــــــــه


راسك يـبو اليمه اعتله عالرمح من طف كربله


ينظــــــــر الحال العايله مــــــــن البدايه للنهايه


بروضه بالحدي بالله يجمال


راس حسين هالينظر عالعيال


فوگ الرمح ينشال يا خويه شبديه


************************


للظعــــــــن راسك يباري ويتلــــــي بالقرآن اسمعـــه


وعالرمح مشبوحه عيني ويــــــــــن ما ينظر اتبعـــه


وگلبي ظــــــل بالغاضريه محيره ويا هم اجرعــــــــه


عليك يبن امي انوحـــــن والصخر وني يصدعــــــــه


لاجن اكولن يخوتــــــــي عفتوني وحدي بغربتـــــــي


محتاره انه بعيلتــــــــــي وبالمشيت وهمه صرعــــــه


زينب يخوتي انه الغريبه


منهو يعيني بحمل المصيبه


احرس حرم واطفال يا خويه شبديه


********************************


انظـــــر الراس الكفلني لاجـــــــن بيا عين انظـــره


يهمي من عيوني دمعي ولاجت بدلالي حســــــــره


چـــن يحاچيني جفيلــي لا لي يمـــــنه ولالي يسره


يعتذر بدر الهـــــــواشم مني ويريد اعــــــــــــــذره


معذور كتله يا گمــــــــر بمصابك گليبي انفطــــــــر


لاچن شبيدي اعله القدر غيبك عني وتجــــــــــــــره


اقسم لو چنت سالم يعباس


ما جانت عليه تجرت الناس


وانته تشاهد الحال يا خويه شبديه



لون يا عباس تــــــدري بالجـــــــــره خلافك علــيه


آه يا بــــــــــدر الهواشم چــــــم مصاب الصار بيـــه


خلاف عينك ما رعوني وأني بت حامــــــي الحميه


محيره وعندي يتامـــــه وصـــــــرت بين علوج اميه


عباس ماتدري شجـــره بينه يسبع الگنطــــــــــــره


من عگب خدري ميسره منين اجتني الغاضـــــــريه


من عگب الخدر لني اسيره


مهظومه النظر الكم اديره


تدري الهظم چتال يا خويه شبديه


*************************** ******





من نــــــزل بالگاع راسك والزلـــــــم عجزت تحمله


شابحه عليه النوظـــــــــر والدمع مـــــــــــن دم تهله


چـــــن نطق راسك يخويه ومــــدري شيگلي وشگله


لمحمل الاطفال شفـــــــتك عاينت وتكلــــــــــي طفله


طفله افگدت من عيلتك


ونبضت عليهه غيرتك


وعليههﭽانت ونتك


*******************************


تفگــــــدت درب المشيته خويه ادور عـــــن رقيه


امشي وتعثر وطيحــــــن بنوح وبونه شجـــــــيه


شفت طفله تصيح عمـــه خويه صوب الغاضريه


ولـــن شفت يمهه سواده فاطمه لنهه الزجــــــيه


وياچ اجيت بهل السفر


وتگلي دلالي انفطر


عله وليدي مگطوع النحر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة (كعدة) عن حال السبايا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: