منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 حوار بين العقيلة زينب وابا الفضل العباس عليهما السلام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: حوار بين العقيلة زينب وابا الفضل العباس عليهما السلام   الخميس يونيو 21, 2007 2:01 am

وين سبع الگنطره **** وين راعي الرايه


من تولوني صحت **** وينك عباس




وين أبــــــو فاضل تصيح العيله والمدمع هلي


لاخـــــــــــــدر خلو علينه ولا معين ولا ولـــي


بس عليل وفـــــــوگ علته بالحرم ضـــل مبتلي


والشمر سوطه اعله متني وآنه زينب بـــت علي


وياك ﭽنت مخـــدره بزودك مكفايه


وين عن عيني رحت يا ابو النوماس




صحت ياليث الحرايب لـــــون تنظر حالتي


محيره بعيله وغريبه ومــــن يجمع عيلتي


نجمعت علينه العساكر وآنه اصيحن يخوتي


يالجبتني مــن المدينه ما تهــــــزك نخوتي


آنه يا بن والدي بيدك مودايه


نجمعت بطف كربله علينه الارجاس




وين يا بــــدر الهواشم خويه عن عيني غبت


محيره عفتوني وحدي وبالعـــيال تحيــــــرت


حـــــــرم واطفال وعليل البيهم آنـــــــه تمحنت


خويه من عظم المصيبه وين ابو فاضل صحت


لن يگلولي ﭽفيلچ فوگ المسنايه


بزودك آنه يا گمر ما طخن الراس



ﭽن نطق راس الكفلني وصاح يا خويه اعتذر


خويه اعذريني الچفوف تگطعن مني بغـــــــدر


واني لسه اعله الكفاله وياچ يا ام الخــــــــدر


راسي يبرالچ يزينب دونچ آنه شأنتظــــــر




اني بن حيدر علي و اسمع النخايه


شلون اصبر واليتامه تصيح عباس




والنعم منك تگلـــــــــــه انته بن حامي الحمه


عالهزل مچتوفه ترضه وآنه مهجت فاطمــــه


ردتك لهــــــل يوم خويه تطفي ناري المضرمه


وصحت وينك يبو فاضل بالمصيبه محزمــــــه




بيك ضلت رجوتي وخوتك وفايه


وانته ما ترضه الخدر يا خويه ينجاس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار بين العقيلة زينب وابا الفضل العباس عليهما السلام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: