منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 يعباس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: يعباس   الخميس يونيو 21, 2007 1:59 am

يعباس يعباس انسلب خدري يعباس


صحت يا سلوة العين يخوية غيبتك وين


انسلب خدري يعباس





يازينب عفت اعله النهر مطروح


وعفت يمه دليلي والنظر والروح


گومي وياي يختي للچفيل انروح


نبچي اعليه ويه ام الحسن وانوح





چفين چفين شفت يم جوده چفين


وتكسر ظهري نصين يخويه غيبتك وين


انسلب خدري يعباس





عفت يمه الزچيه وحيدر وامه


وشفت امي الزچيه بمنحره اتشمه


وتشم بچفوه خويه وتندب بأسمه


والكرار شفته تخضب بدمه


يناديه يناديه گمر هاشم يناديه


وفيت الزينب الدين يخويه غيبتك وين


انسلب خدري يعباس





وصاني عليچ بأخر الانفاس


ابو الغيره يزينب صاحب النوماس


بخدر زينب يگلي خويه لا ينجاس


وگلهه الموت فرق عنچ العباس


يهم بيج يهم بيج ابو الغيره يهم بيج


فدالج يسره ويمين يخويه غيبتك وين


انسلب خدري يعباس




شوصفلج يخويه شلون من شفته


ووسط حجري جفيلج خويه وسدته


يتمتم جان بسمج وحين قبلته


امانه يصيح زينب اسمع بونته


ينوماس ينوماس صحت ابشر ينوماس


اجيب المثلك منين يخويه غيبتك وين


انسلب خدري ينوماس





وديني يخويه للكفل خدري


عگب عيناه ما ريدن بعد عمري


اظن عباس خويه بحالي مايدري


وما يدري بأمية محزمه اليسري


احاچيه احاچيه اريد امشي واحاچيه


يتامه احنه ونساوين يخويه غيبتك وين


انسلب خدري يعباس





لبو الغيره اريدن اكصد بهمي


للعباس كوم وياي يبن امي


اريد اشجي مصابي والدمع يهمي


لخو زينب اريدن اعتني بهظمي


يعباس يعباس مانه اختك يعباس


يكاسر ظهر الحسين يخويه غيبتك وين


انسلب خدري يعباس


للعيله شجاوب من يسئلوني


عمنه وين شكلهم يا ضوه عيوني


شيظن بالكوم من عكبه يرحموني


والارض الشام يا خويه يودوني


يتاماك يتاماك بكت تنشد يتاماك


تجاوب دمعة العين يخويه غيبتك وين


انسلب خدري يعباس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يعباس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: