منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 على يا لوعه اتصبر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: على يا لوعه اتصبر   الأحد يونيو 24, 2007 8:30 am

علـه يا لوعة أتصبر يبوية بونتي اتعثر
يبوية دهري دولبني بخمس سهام صوبني
يبوية بونتي اتعثر

آنه أم الحزن زينب يحامي الجار
آنه الدهري ولاني وجوه كلبي بنار
آنه الدهري فجعني بلوعة البسمار
آنه الشفت السكط من امي يا كرار

اشكيلك بعد يا هم انته بحالتي تعلم
زغيره ودهري شيبني بخمس سهام صوبني
يبويه بونتي اتعثر

عفاني اشجم مصيبة اعليهه اتصبر
ابدي منين واشكي همومي يا حيدر
بسهم نعش الحسن كلبي يبويه انطر
راواني العجب دهري علي من مر

تلوج الدمعه بعيوني يبويه بهاي هضموني
زماني بويه شيبني بخمس سهام صوبني
يبوية بونتي اتعثر

سهم نحر الرضيع الي هدم حيلي
ومن شفته يبوية ما نمت ليلي
اذكره شلون عبد الله يناغيلي
وعنه شلون جان حسين يحجيلي

شفت الفاجعه الكبره وصوبني سهم نحره
طفل ومصابه عذبني بخمس سهام صوبني
يبوية بونتي اتعثر






والثالث يبويه الصوب العباس
طفه عينه عكب جفه وعمود الراس
ابو الغيره الجفيل الي تهابه الناس
ويم العلكمي اتكنطر ابو النوماس

يا بوية الكفل خدري من بعده شلي بعمري
ومن بعده الدهر ذبني بخمس سهام صوبني
يبوية بونتي اتعثر

والرابع يبوية الصاب كلب حسين
يريت وياه يا بوية اخذني البين
شفت حسين بوية لاجن بيا عين
مو حكي يبوية من الطم تاخدين

يبوية عكب ابو السجاد هم يبكه عمر ينراد
يبوية بفكده عذبني بخمس سهام صوبني
يبوية بونتي اتعثر

نتنطر يجي عباس راعي الزود
وعد اطه اليتامه من الشريعه يعود
ويجيب الماي الهم معتني بالجود
بسهم صابو يحيدر جودة الموعود

شحجيلك يبوية الالم وبيه شسوت الايام
الحزن يا بوية ذوبني بخمس سهام صوبني
يبوية بونتي اتعثر




محمد العيساوي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
على يا لوعه اتصبر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: