منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 قصيدة للأمام زين العابدين عليه السلام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: قصيدة للأمام زين العابدين عليه السلام   السبت فبراير 02, 2008 9:55 pm

يا مصيبة .. خلفت بيك المواجع
يا مصيبه .. صبت عليهه المدامع
عصرة ضلوع الزجية .. لو مصاب الغاضرية

يل يومك عظيم وما مثل يومه
تنوح عليك هاي الشيعه مهظومه
علينه الآه والاحزان مرسومه
ونبجي عليك اجينه ابروح مالومه

يا مصيبة .. سيدي الجرحة فؤادك
يا مصيبة .. وراية العز بجهادك
جبدك بهاي المسية .. لو مصاب الغاضرية
خلفت بيك المواجع

حكهه عليك لو صبت دمعهه العين
يا نسل النبوة وعترة الطيبين
طاح حسين بالطف وانته صرت حسين
وشلت حمل الامامه وحافظت عالدين

يا مصيبه .. الصبت عيونك عليهه
يا مصيبه .. مهجتك مجويه بيهه
زينب الراحت سبية .. لو مصاب الغاضرية


عن الطف نسئلك والكلب مجروح
عفه بياعين من شفت السبط مذبوح
وشفت شلون عمك عالنهر مطروح
بيا عين الشفتهم سيدي بيا روح

يا مصيبه .. سيدي لو ردنه نسئل
يا مصيبه .. كلبك عليهه تحمل
وحملتهن جم رزية .. لو مصاب الغاضرية

عكب ذاك المصاب ولوعة العاشر
عشت مهظوم والحاكم دعي وفاجر
ودس السم الك يا سيدي الغادر
ومثل جبد الحسن جبدك يبو الباقر

يا مصيبه .. صبت عليك المصايب
يا مصيبه .. وانته كل عمرك نوايب
شحملت من جور امية .. لو مصاب الغاضرية

يبو الباقر اجينه بلهفه ونسئلك
يمن هالكون ما شاهد صلب مثلك
يالعشت المصايب ماشيه بظلك
عن طفله نسئلك ظلت من اهلك

يا مصيبه .. خربت الشام وهظمهه
يا مصيبه .. لوعة العيله وألمهه
بحسرة ولوعة رقية .. لو مصاب الغاضرية

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد سالم
عضو
عضو


عدد الرسائل : 85
الشاعر محمد العيساوي : ارجو قبول عضويتي في المنتدى
تاريخ التسجيل : 05/02/2012

مُساهمةموضوع: رد: قصيدة للأمام زين العابدين عليه السلام   الجمعة يونيو 08, 2012 12:52 am

خيال واسع وتشبيه راقي سلمت الأنامل

تقبل مروري
د. السيد عبد الله سالم
المنوفية - مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة للأمام زين العابدين عليه السلام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: