منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 نار الضمه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
السيد هادي الحمّامي
شاعر
شاعر


عدد الرسائل : 20
الشاعر محمد العيساوي : 0
تاريخ التسجيل : 02/10/2007

مُساهمةموضوع: نار الضمه   الأربعاء نوفمبر 14, 2007 11:21 am

بسم الله الرحمن الرحيم ( قصيدة لطم للعباس(
------------------------
نار ألضمه ما تنحمل يا أبا الفضل... عطشانه ﭼم طفله وطفل يا ابا الفضل
إلجودك تظل متنطّره...... وينك يسبع الكنطره
عطشانه ﭼم طفله وطفل يا ابا الفضل
-----------------------
للعايلـــه يا هـــــــــــو إلكِفل..... وسل مرهفه وحامه الضعن
ومن جوده كل ضامي إرتوه..... ورايته شرا إلكل زمــــــــن
إتحده الصعاب بلا ملـــــــــل..... ما ضعـف حيله ولا وهــــن
متـــــــدرع بأصلــــب درع..... ما ضيـﮔت خلـﮔـه المحــــــن
ما شافت أهوال وخطر طول ألدرب
باراها وعليها سهر طول الدرب
ما غفل عنها ناظره..... وينك يا سبع الكنطره
عشانه جم طفله وطفل يا ابا الفضل
-------------------- 1
إشما طالت ليالي ألســفر..... والبـــدر غاب ومـــا طلع
يبقــه بسماها يشع ﮔمــر..... ولا ليله عــن برجه رجع
بضيّــــه تسير وما تــهم..... ولا حجبته غيوم وخضـع
عيون الضعن تغفه ويظل..... إمســاهر ولا جفنه جزع
صار إلها ظل ألهاشمي من كل خطر
بي تستظل وتحتمي من كل خطر
يلّي اصبحت خيمه وذره..... وينك يا سبع ألكنطره
عطشانه ﭼم طفله وطفل يا ابا الفضل
-------------------- 2
عاشــــت ألعيله إبهألأمل..... كل نايبـــــه وإلها الـﮔمر
برايته وســــــيفه وهمّته..... ما يدنه ليها كـــــل خطر
ودارت دواليب الوكـــــت..... وما حسبت حساب القدر
شوف القدر بيها إشصنع..... عنها انحجب حتـى ألنهر
إنهض يا جيدوم ألوغه إبسيفك ترد
كل ألذي عليها بغه إسيفك ترد
وللنهر إنته تحرره..... وينك يا سبع الكنطره
عطشانه ﭼم طفله وطفل يا ابا ألفضل
------------------- 3
وينك يا عباس ألشــهم..... نادتــــه ألحرّه إتحشمه
ذابت يبن عقد الولـــــه..... ﭼبود الحرم من الضمه
خويه العطش ما ينحمل..... وذبلت عيــون الحالمه
وانظر يا عباس المهـــد..... عليك الطفل ﭼفه ومه
شوف الرضيع البلمهد يطلب ورد
حتى ألعليل اللي إنضهد يطلب ورد
وهل ألوضع انته إتقدّره..... وينك يا سبع الكنطره
عطشانه ﭼم طفله وطفل يا ابا الفضل
------------------- 4
صعبت الحاله إعله الاخو..... يتحمل مــــــن أخته العتب
ﮔال انــــه صــــﮔار الزلم..... واعله العــده انصب غضب
تعـــــرف بسيفي ويمنتي..... آنه بـــن غالــــب ما إنغلب
لروس العده احصد حصد..... وتشوف من عندي العجب
لو رحت صوب المشرعه يمته ترد
والطفل موجف مرضعه يمته ترد
و الجمر بحشانه سره..... وينك يا سيع الكنطره
عطشانه ﭼم طفله وطفل يا ابا الفضل
------------------------ 5
غيّم عله الحومه ورعد..... وزلزال صار إعله الزلم
بصولة علي لمـن هجم..... وســيفه إبجثثها ظل يرم
و السلم من عدها شرد..... مــــن شافته إبهذا العزم
ما همّته إســــهام ونبل..... بضفاف جــــوده ظل يلم
ولن المنيه إمولّمه بسهم الغدر
وانصاب جود الغانمه بسهم الغدر
وظلّت العيله مذعّره..... وينك يا سبع الكنطره
عطشانه ﭼم طفله وطفل يا ابا الفضل
---------------------- 6
الموشح
-------
قررت بمـﭼانك إتظل وما تــــرد
و الحرم صوب النهر كلها تصد
تريد جودك يبـــو فاضل والورد
ذابتﭼبود الحرم مـــن الضمه
--------------------1
بقه جـــــــــــودك والعلم يم النهر
غفـــــت عينك دار لعيوني السهر
ظلمه دنيانه عﮔــــــب ضي الـﮔمر
خلاف عينك نومي عيني إتحرمه
--------------------2
ليش ما ترضه يبن راعـــي المجد
للخيم ما ترجع إتشــــــوف الوجد
تستحي مـــن إسكينه عنها وتبتعد
ضاعت إوضعنه يبن حامي الحمه
--------------------3
ما ﮔلت ما ارد يبـــــن عقد الوله
إشلون تقبل وحدي اظل إبكربله
شرد أسوي اشلون اصبر العايله
شنهو عذري يبو ﭼفوف الغانمه
--------------------4
الشاعر خادم الحسين
ألسيد هادي ألحمامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد سالم
عضو
عضو


عدد الرسائل : 85
الشاعر محمد العيساوي : ارجو قبول عضويتي في المنتدى
تاريخ التسجيل : 05/02/2012

مُساهمةموضوع: رد: نار الضمه   الجمعة يونيو 08, 2012 12:55 am

تصوير راقي وممتع
جمال حرفك هزّ المكان
لك ودي
تقبل مروري
د. السيد عبد الله سالم
المنوفية - مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نار الضمه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: