منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 حسين عصره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: حسين عصره   الإثنين نوفمبر 12, 2007 1:22 am

معذور الدمع من يهمل اعله حسين
وعليك الدمع من يهمل انعذره
لآن حسين ثوره اعله الظلم والجور
وانته بطلعتك وبجمعتك ثوره
الحسين بثورته احيى الشرع والناس
وبهذا الفعل ضل خالد بذكره
قدم ما ملك لله ابو السجاد
وتحملهه الرزايه بكربله بصبره
اجه وعنده درايه ويدري كلش زين
ويعرفهه الخيول الهشمت صدره
والأ من ناصرن من ناده ما محتاج
وبس سبعين يدري بكربله تنصره
الراده القاء حجه وينتصر للدين
لأن محتاج شافه ورايد النصره
ولأن طاهر مطهر دم ابو السجاد
روه دينه وحياه بفيض دم نحره
ومن انكول يا ليتنا يحسين
يعني ايمان عدنه بمبدأ الثوره
وانته بهل الوكت مثلت دور حسين
قلدته بجهاده وحكمته وفكره
لبنان بفكركم سحكت اسرائيل
ولو ردنه نرد الماضي ونفسره
ثارات الامس تاخذهه الامريكان
خو هذي قريبه وواضحه النظره
من محراب حيدر ناده صدر الدين
كلا لليهود الكافره القذره
اسئلك يل امس اتصفك الهدام
كلي بيا شريعه الثائر تكفره
اذا مابيك غيره اعله الوطن والدين
ملعون وخصيمك فاطمه الزهره
بعت دينك بدنيه الوادم شبيك
ما توزن كلامك ليش وتقدره
تاريخ العراق تصفحه بوجدان
يا دور التخلف صدره وتبره
مهم من النبي ومن شامخ الاصلاب
بعضهم من بعض ومباركه الشجره
ولو رايد دليل اعله النسب انطيك
ويبصم كل ضمير عليهم بعشره
سلاطين الكفر ند ويه اهل البيت
وكل معصوم بالسم يكضي لو طبره
وذوله ال الصدر من صلب ابو السجاد
كل واحد يقتله الطاغي البعصره
منهو الكال جلمه بحضرة الجلاد
ومنهو الكدر يحجي الجامن بصدره
وبفكره الصدر هدم عرش فرعون
أحيانه وخسف بالساحر وسحره
مامات الصدر فكر الصدر موجود
ويريد الموالي بمنهجه ينصره
سلام اعله الصدر والي افتهم معناه
وسلام عله الاخذ من الصدر عبره

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد سالم
عضو
عضو


عدد الرسائل : 85
الشاعر محمد العيساوي : ارجو قبول عضويتي في المنتدى
تاريخ التسجيل : 05/02/2012

مُساهمةموضوع: رد: حسين عصره   الجمعة يونيو 08, 2012 12:49 am

تصوير راقي وممتع
جمال حرفك هزّ المكان
لك ودي
تقبل مروري
د. السيد عبد الله سالم
المنوفية - مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حسين عصره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: منتدى الشعر الشعبي :: القصائد الدينية-
انتقل الى: