منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 هوسات لشبل الكرار ابو الفضل العباس(ع)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
السيد هادي الحمّامي
شاعر
شاعر


عدد الرسائل : 20
الشاعر محمد العيساوي : 0
تاريخ التسجيل : 02/10/2007

مُساهمةموضوع: هوسات لشبل الكرار ابو الفضل العباس(ع)   الخميس نوفمبر 08, 2007 2:05 pm

يعباس الضمه فــت ﭼبدتــــــي وحشاي
وهاي اعيال اخوك اتصيح ويـــن الماي
انموت من العطش ياخويه شنهي الراي
لجودك خويه الجودك
.....هاي اعيالك تنطر ياعباس
لجودك خويه الجودك
-----------------------
العطش ماينحمل ياخويه بالمرّه
واعيالك تجـور ابألم وبحســـره
اوهاي اﭼبودها تلتهب ﭼالجمره
ابرايك شنهي ابرايك
....تـﮔـعد يولا اتجيب الماي
ابرايك شنهي ابرايك
------------------------
انتهض يرعد ابو فاضل سـليل الزود
ســــــل امهنّده اوزم رايتــــه والجود
لجيب الماي عنوه اعله العده وبـﭼـود
جاب الماي ابزوده
...... الوالي اوروّه اعيال حسين
............................
احنـــه اولاد حيـــدر داحــــي البيبان
مــوش اولاد نعثل وابن ابــــو سفيان
ابوجه الضيم من نزعل نطﮒ بركان
غيضه النار التحرﮒ
......اشحدّه اليوﮔـف ضدها ويتحداه
...........................
نار احنه ونصب اعله اليعادينه
اوما نقبل ابغير حســين حادينه
وعن حبّه اوخدمتـه ياهو يثنينه
وحب حسين الجنّه
....... الحاقد خلَّه ابغيضه يموت
............................
تعلمنـــه ألإبه واللا مـــن حسين
وعلى نهجه نسير وبيه متمسكين
عاهدناه واحنه اعله العهد ماشين
حسين يظل اللرايه
.... اوتخفـﮒ دوم اعله الكونين
..............................
ﭼلمتنه الحسين اوصوتنه اليدوي
ما تســــمع صداها ابعالم العلوي
والصم ابسمعها خـل تظل تعوي
حسين ايظل الصرخه
....... اوسيف امسلط عالطاغين
...........................
تحدينـــه الطغاة اوبعد نتحدّه
الياهو الراد ويريد اتعبث يدّه
موسهلين احنـه ابساعة الشدّه
خلّه ايجرب حظّه
........ اشلون ايمر ابحدنه اويوصل ليه
..........................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هوسات لشبل الكرار ابو الفضل العباس(ع)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: الاهازيج الشعبية-
انتقل الى: