منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 الريحان / الشاعر مظفر النواب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: الريحان / الشاعر مظفر النواب   الخميس سبتمبر 27, 2007 7:41 am

يا ريحان

أشكد نده0000

نكط على الضلع

ونسيت أكلك000 يمته

أشكد رازقي ونيمته

وأشكثر هجرك عاشر

ليالي الهوى وما لمته

إنت سحنت الليل

بكليبي

وكلش موش أنت

****

يا مه التراجي مرجحن

حسك الصافي وغفه

ويامه الدمع ضوه سواد العيون

جانت ترفه

وتدري تنيت الدفو

بلهفه ورده

وما جيت ونيمني الثلج000

والشته كله أتعده

لا بالمحطة رف ضوه و لاخط جانه من البعد

لا ريل مر على السده

والشته كله تعده كله تعده

و أعلكنه للصيف اليجي

روازينه السمره000

شمع

من ينزل أول الدفو بنيسان

يهتز نبع

يمكن يخضر دمع000

يمكن بعد بالروح , يا ريحان وصله تنزرع

والكيظ أجانه و أنكضه ورد أنكضه

ورد كيظ أجه

والزلف هجرك فضفضه

ورد فضفضه

وما مش رجه

****

ولساع من همسه تجي من بعيد

يخضر دمع

كل نسمه ترفه من تفك الباب

يخنكني الدمع

لساع 000 ولذتنه أنكضت

أهجس على الكصايب شمع

وردود أكلك 000 يمته؟؟

أشكد رازقي

ونيمته

أملني يسمر بيك

كل عمري أنكضه وأملته

حنه خيالك بالحلم

خايف يجي وأمنته

****

كل لحظه من هذا العمر

وعت حسافه بكلبي

يا أول الريحان يلعطيت

نويه بدروبي

ي أخر سوجي حنيني وحبي

من يوم طيفك هجر نومي ما نمت

حنية يا جذاب منك

ما شفت

من ظني كضك بالحلم

عنبر فحت

من ردت أجيسك جست روحي

وفرفحت

أترف من أجفاف المهر

قندون 000 ما ضايك شكر

يا حلو يا بوسة سهر000

يا ترف يا ييزي قهر


شيضرك 000 بكل شته الولهان

لو صحوة مطر؟

والشته كله تعده

والكيظ هم أتعده

شجاب العشك؟ وأشوده؟

لا بالمحطة رف ضوه000

لا خط أجانه من البعد

لا ريل مر على السده

*****

ولساع 000مشدوده شبكتك

عل الخصر

والركبه من تلتاف للبوسه

جسر

بس أنت تدري شون رصعة بالنحر

والشته شايل شليله

من يمنه وعبر

واسألته يا شته العشاك

ما عندك خبر

لك يا شته العشاك ما عندك خبر؟



والكيظ أجانه و أنكضه ورد أنكضه

ورد كيظ أجه



والزلف هجرك فضفضه

ورد فضفضه

وما مش رجه
[center]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاوسي
متذوق
avatar

عدد الرسائل : 90
الشاعر محمد العيساوي : 0
تاريخ التسجيل : 02/11/2007

مُساهمةموضوع: رد: الريحان / الشاعر مظفر النواب   السبت نوفمبر 03, 2007 12:05 am

مبدع والله ومشكوووووور على القصيدة الرائعة
تقبل مروري مع اطيب التحيات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد سالم
عضو
عضو


عدد الرسائل : 85
الشاعر محمد العيساوي : ارجو قبول عضويتي في المنتدى
تاريخ التسجيل : 05/02/2012

مُساهمةموضوع: رد: الريحان / الشاعر مظفر النواب   الثلاثاء فبراير 14, 2012 10:11 pm

استمعت بقراءتها
دام نبض قلمك لنا

تحياتي
د. السيد عبد الله سالم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الريحان / الشاعر مظفر النواب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: قصائد الرواد-
انتقل الى: