منتديات الشعراء والمبدعين في الشامية

اهلا بكم
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 ابوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد العيساوي
المدير العام للمنتدى
المدير العام للمنتدى


عدد الرسائل : 121
الشاعر محمد العيساوي : 0
تاريخ التسجيل : 20/06/2007

مُساهمةموضوع: ابوذيات   الخميس سبتمبر 27, 2007 1:30 am

وكفت اباب دارك شيلمانه
وصديجك لو تجربه شيلمانه
الرايد تكتله شيل آمانه
واماني انته وحكك بالدنية

كضن وردات عمري ورده ورده
وحال الظيم بعدك ورده ورده
يجي يسولف الواشي ورده ورده
اكله اهواي هسه يعود اليه

شري بطبعك وذاتك مره مره
وبعد هيهات شخصك مره مره
نشدت السلف عنك مره مره
كالن ما نعرفه منين ديه

دمع عيني ابد بجفاك منشاف
خليلك ضمير وشوف من شاف
ابحيكم سئلت الناس منشاف
حبيبي المايحن كلبه عليه

عزيز وشوفتك عنــدي محلهه
والك عكده وسط كلبي محلهه
حبيبي جيتك لينه محلهــــــــه
تعــــــال بغيبتك شفت المنيه

تعال الروح ناشدهه وسلهه
غيرك لا تظن همهه وسلهه
لأجلك بالع العيطه وسلهه
دخيلك لا تشح وصلك عليه

هله بلي اعله روحي ناصريته
ويحاجز بيني لبينه ناصريته
اعوفن داري واسكن ناصريته
خذت كلبي وسبتني الناصريه

مايوم السده عليه ولي راح
ولاهم للبكه بعمري ولي راح
ما دام النفس باقي ولي راح
ماذل وتضل نفسي ابيه


حبيبي وياي حجيك ماتحله
وعني حزام هجرك ماتحله
يا فتوه اليكلك ما تحله
حبيبي وكلك مكدر عليه

انه المن دمعي ساجيتك واراويك
افزع يالكلت باجر اراويك
تريد اجروح احسبلك واراويك
وينك يالله وصلتني المنيه

كاعي جثث متروسه مداهه
وهواي الحلم ربك مداهه
ابد لتكول عالدنيه امداهه
السبب بينه سكتنه اعله الرديه

انسه الروح آنه منسه همهم
وادري صواب كلبي من سهمهم
هاي الروح كلهه من سهمهم
وآنه النوح والحسرات اليه

اجد ويا جدم ناديت هم هم
للبفراكاه سكاهه الروح هم هم
يدري شكد دليلي عليه هم هم
بكد هموم دنياي العليه

شفته وصحت يا مرحب واهلا
ردته واهلي ما ترضه واهلا
دمعي عليه من يهمل واهلا
عزيز وفركته تصعب عليه

وسافه الــــــــي اوده ودعاني
وتهمني بذنب هجره ودعاني
الفرح من يوم هجره ودعاني
ودعني وبعد مامر عليه

التفت ليه بسهم عينه رماني
وجنه من جبل عالي رماني
شفته اعله الحسن لابس رماني
دولبني واخذ روحي من اديه

شتظن ياصاح بيكم ماهم اني
لو بوداد شخصك ماهم اني
شلون الشوفت عيونك ماهم اني
عزيز وشوفتك عزت عليه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاوسي
متذوق
avatar

عدد الرسائل : 90
الشاعر محمد العيساوي : 0
تاريخ التسجيل : 02/11/2007

مُساهمةموضوع: رد: ابوذيات   السبت نوفمبر 03, 2007 12:37 am

مشكور اخوي محمد العيساوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشعراء والمبدعين في الشامية :: الابوذية-
انتقل الى: