كبرك وين يبن امي .... تنادي والدمع يهمي

اجيت اليوم .. يا مظلوم

تنادي والدمع يهمي



اجت من اليسر زينب تصيح بحسره وبلوعه

تنادي يا علي السجاد وين الهشمو ضلوعـه

دليني عله ابن امي يعمه تصيح مفجوعه

دليني ينور العين .... دليني اعله ابوك حسين

الكلب مهظوم ... يا مظلوم

تنادي والدمع يهمي



يكلهه هذا كبر حسين ودفنت ويـــاه عبد الله

ويم راسه علي الاكبر فراكه حسين ميحمله

يعمه شلون اوصفلج مصاب الماشفت مثله

يعمه لا تنشديني ... عله هالوعه عينيني

انه المالوم .. يا مظلوم

تنادي الدمع يهمي



كوم وياي ودينــــــي العباس الكفل خدري

اخبره بالجــــره عليه اظـــن عباس ما يدري

وسولفله لبو النوماس يعمه عالجره بيسري

يعمه كوم نمشيله ... ردت عباساحجيله

ابو الملزوم .... يا مظلوم

تنادي والدمع يهمي



يكلهه اعله النهر عباس كومي وياي نمشيله

نسولفله الجره علينه بدمعنه نروح نحجيله

يكوم من الكبر عباس لون يا عمه تشكيله

بكلب مالوم .... يا مظلوم

تنادي والدمع يهمي