قصيدة للشاعر الكبير كاظم اسماعيل الكاطع

بعدك ماجزت نفس الصفات البيك
طبعك ماتغير من صغر سنك
عاشرتك عمر من مشيتك اقراك
واندلك مغمض ماتهت منك
اعرفك يالبن وبذن ادي مخبوط
وجف الضمنك هم يكدر يشنك
تذكر لو نسيت شجنت الك يفلان
رغم هاي السنين العلي علنك
لا والصورك والساندك وانطاك
ماتكدر ضنونك غلط ودنك
اعرفك كبل ماتحجي وتريد تكول
واعرف ظاهرك والمخفي من ظنك
انه مخاوي الصدك والغيره والايمان
وعكس هاي الصفات البيه خاونك
تلمع من ذهب ممكن تغش الناس
ماغشني البريق وفرزنت دنك
اعرفك حتى من تبجي بدمع تمساح
قاري اسباب نوحك وافتهم ونك
لان مكشوف اليه وحافظك علغيب
وانته تموت غيض عيوني يقرنك
هم يطلع فجر واتواجه انه وياك
وموش انه الجروح البيه يلكنك
_________________

مشكور اخوي محمد العيساوي